Ազգային արժեքների պահպանման և տարածման ծրագրերի շուրջ դրամաշնորհների տրամադրման մրցույթի համար «Բարեպաշտ սերունդ» հիմնադրամ ներկայացվել է 58 հայտ:
Ներկայումս իրականացվում է դրամաշնորհների տրամադրման մրցույթի առաջին փուլը և ներկայացված ծրագիր-առաջարկների հիման վրա կատարվում է նախնական ընտրությունը: Ազգային արժեքների պահպանման և տարածման ծրագրերի վերաբերյալ հայտերի գերակշիռ մասը Երևան քաղաքի բնակիչներն են ներկայացրել, սակայն ծրագիր-առաջարկներով իրենց ակտիվ մասնակցություն են ունեցել նաև Գյումրի քաղաքի բնակիչները, որոնք ուղարկել են բավականաչափ հայտեր: Շուտով կամփոփվի դրամաշնորհների տրամադրման մրցույթի առաջին փուլը և երկրորդ փուլ անցած հայտերի հեղինակները, ղեկավարները կհրավիրվեն հարցազրույցի:
